羽翹針灸嗌痛嚇親隔籬

YouTube美容女王羽翹早前疑因壓力太大引致月經失調，令她非常擔心：「我之前出碟要寫歌已經試過係咁，我諗係因為壓力太大，搞到皮膚都差咗。」她更禍不單行，日前突然心臟絞痛立即到醫院做檢查，她笑言：「我以為心臟病發而死，真係嚇死我，好彩醫生話只係骨膜炎，有朋友介紹我去睇針灸，所以就膽粗粗去試下！」中醫指她太緊張引發肋骨神經痛，除以針灸治療亦要放鬆心情，羽翹謂：「我不嬲都好怕痛，做針灸嗰陣頭同手腳全部都要拮針，嚇到我係咁大叫，唔知隔籬房會唔會以為有命案添呀，哈哈！」