志偉踩場撩黃百鳴裸跑

黃百鳴賀歲片《最強囍事》舉行首映，同時有新片上映的曾志偉，率領高海寧、呂慧儀等人，穿上《我愛HK開心萬歲》T 恤踩場。志偉說：「我帶啲細嘅嚟學吓嘢，人哋係最強陣容嘛！我哋搞首映，佢都可以帶人嚟！人頭計囉。」志偉更誇下海口，若兩部電影均過四千萬，會以裸泳或裸跑謝票，他說：「我畀黃百鳴揀先，如果佢唔想露得多嘅，可以揀裸泳，都係上水、落水露到啫。」記者建議二人一同裸泳，曾志偉大放有味笑話說：「唔得，我怕畀魚啄，我面積比佢大好多喎。」