栢芝撻着古仔用完即棄
張栢芝傷後迅速回復狀態出席新片首映，可惜擺了烏龍透露戲中沒有與古天樂終成眷屬，立即被古仔問她是否忘記了搶親一幕，栢芝處變不驚說：「我只知嫁咗畀謝霆鋒」，獲全場掌聲。
張栢芝臉部受傷後首次在港露面，穿上娃娃裝露出香肩出席黃百鳴賀歲片《最強囍事》首映，見她容光煥發笑容滿臉，傷勢已無大礙。
只知嫁咗畀霆鋒
栢芝在台上更大放笑彈，表示與古天樂在戲中相愛但卻不能愛。此語一出古仔立即澄清說：「我哋有相愛架喎，你係咪唔記得咗呀？有場戲我嚟搶親喎！」栢芝呆了一呆說：「對唔住，我真係唔記得咗，我只知嫁咗畀謝霆鋒。」全場報以掌聲。古仔大讚栢芝比過往幽默，並說：「你唔係少女嘞，你係媽咪啦！」栢芝又笑說：「咁會唔會令你唔鍾意少女、鍾意媽咪吖！」
劉嘉玲和甄子丹表示希望電影成績理想，甄子丹說：「我之前『籮』就露過嘞，唔知仲有咩露？」嘉玲笑言自己可以露番兩手，她說：「我喺屋都係人肉木樁，成日同人練功夫。」古仔亦笑言可以「露啲嘢」，最好黃百鳴請大家去杜拜旅行。
熊黛林想要名分
熊黛林以BCBG低胸裝現身，她否認與郭富城已於去年十一月訂婚傳聞，強調仍是單身。對於郭富城表示暫無結婚打算，會否失望？她說：「佢又冇講我個名，答案會唔同。如我對號入座我都唔答。（期待名分？）係女仔都想。」而有出席的模特兒Ar Yu（曾寶玲）和李曼筠均谷胸出席。
文：影視組