鍾欣桐勁咳公司播菌
鍾欣桐（阿嬌）昨日出席英皇地產旗下樓盤「維壹」的活動，戴住口罩的她穿上aalis春裝現身，阿嬌謂：「之前喺內地拍緊電視劇《財神有道》，拍到殺青嗰日最後個鏡頭就開始咳，好彩冇影響進度，之後都休息咗幾日。（流感？）應該唔關事。（有冇隔離？）冇呀，我嗰日返公司開會都有見阿Sa。」
問她是否全因公司活動才堅持帶病上陣？阿嬌表示自己是業主，但不考慮再買：「供樓好辛苦架！（內地置業？）好多年前都想喺北京買樓，不過當時喺香港買咗，供唔到咁多，依家升咗十幾倍，諗番都揼心呀！（趁樓價高賣咗層樓？）送畀媽咪架，睇吓佢自己造化啦！」
