鄺敏慧養仔一日包三餐

崔建邦前女友鄺敏慧（中巴）及「動漫Maggie」李曼筠出席《apm百變潮兔「型」新歲》活動。剛與男朋友分手數星期的中巴，表示情人節會陪屋企人同做嘢，亦冇因甩拖而唔開心。問她點解分手？她說：「因為大家都冇時間，所以都係做番朋友先。（介唔介意養仔？）我可以一日包佢三餐。」問到擇偶條件是否不可識功夫，以防被前男友崔建邦毆打的同類事件再發生？她回應：「識都得，不過要用嚟保護我，唔好用喺錯嘅地方。」
李曼筠（左）表示於內地宣傳時狂吃羊肉，故胖了不少。
李曼筠（左）表示於內地宣傳時狂吃羊肉，故胖了不少。

而Maggie大讚現場的BB很可愛，坦言希望朋友生一個兔BB讓她玩。被問到會否自己生一個？她笑言：「邊度搵人同我生？（人工受孕？）我好傳統，想拍拖、結婚、生仔。」

中巴（右）與李曼筠對照顧BB顯得有點吃力。
  • 中巴（右）與李曼筠對照顧BB顯得有點吃力。