洪卓立處男騷亂噏爆粗

洪卓立前晚舉行首個音樂會，他坦言緊張便會手腳不協調，自嘲唱歌時只懂得「棟喺度」，並翻唱容祖兒、何韻詩及楊千嬅等歌。而好兄弟陳偉霆（William）擔任表演嘉賓，洪卓立自言是個言語不精的人，突然竟疑似爆粗謂：「William同我一樣畀人嘅感覺都係『寸××』。」身旁的William即尷尬謂：「講咩呀？」雖然蝦碌但無礙兩人的搞笑表演，合唱快歌時，洪卓立突然嬌俏又咬唇又咬手指，場面搞笑！問洪卓立為何爆粗？William即代他解圍說：「係『寸實實』呀！」洪卓立即跟着謂：「係囉，佢啲肌肉實咪『寸實實』囉，我啲肌肉腍咪『寸腍腍』囉。」