DaDa洗咪待兔剝到返大陸
「百果園咪神」陳靜（DaDa）洗定「巨咪」迎兔年，踏入新春DaDa誓要新突破，將正式升呢躋身歌星之列，而稍後更會拍攝終極寫真，藉此進軍大陸。
出道未足一年，DaDa憑性感身材極速吸納大批fans，成為人氣p靚模，兔年將至，DaDa直認自己去年運氣好，希望「洗邋遢」送舊迎新後好上更加好，更說：「我覺得自己舊年一直好順利，身邊好多人都對我好好，新嘅一年公司有好多新嘅計劃，希望我洗完邋遢之後繼續都事事順利啦！」
農曆新年後錄歌
踏入兔年，DaDa首項計劃就是進軍樂壇，農曆新年後全速錄製新歌，一網打盡國語歌和廣東歌，她說：「由細到大都好鍾意唱歌，我小學同中學都有參加合唱團架！早前喺商場活動唱過一首歌，估唔到好多人讚，經理人仲即刻幫我傾唱歌。」
轉做歌星DaDa直言不會就此「封胸」令宅男fans失望，她說：「我從來都唔抗拒性感，只要唔係好刻意，靚咪OK囉。」
客串電影感興趣
DaDa做歌星之外亦會全力攻影圈，去年小試客串電影，覺得非常有興趣，今年三月她有份演出的《宅男總動員》將會全國放映，DaDa說：「套戲全國上，加上我今年會去內地拍終極個人寫真集，希望借今次嘅機會打入內地巿場。」
文：影視組
攝：黎志輝
場地：La Bella Beaute SPA