陳碧舸紐約行騷孤單度歲

去年成功躍身國際天橋的名模陳碧舸（Bonnie，圖），今個農曆新年亦要忙於為紐約時裝周行騷，未能享受年假及和家人一起慶祝：「我已經有六年冇同屋企人一齊過年，好掛住佢哋，日日都會打電話畀佢哋。以前細個喺南京過年會燒炮仗同埋包餃子，仲會全家人一齊去旅行，去泰國呢啲熱嘅地方度歲，過一個暖笠笠嘅新年，好開心o架！」

身在美國的Bonnie已準備利是給公公婆婆：「喺大陸係小朋友先有利是收，大個咗出嚟社會做嘢就唔會再有利是，不過，細時收到嘅利是都會交晒畀爹哋媽咪。」說到新年願望，Bonnie希望可以多陪家人，精力充沛、身體健康、平平安安，試過外出工作時有小意外，像被人偷銀包、迷路或者跌倒，不想再發生這些事。