Jocelyn大晒比堅尼跳崖上癮
有「翻版關之琳」之稱的名模Jocelyn，早前和丈夫返家鄉夏威夷度假，玩盡海陸空，並愛上玩跳崖，認真大膽！Jocelyn決定留港過農曆新年，首次在港度歲，已預備大量利是一嘗派利是的滋味。
Jocelyn早前與模特兒老公Anthony返夏威夷度假兩個半星期，一次過和家人慶祝聖誕和新年，家庭成員眾多的Jocelyn與家人去到邊玩到邊，如去沙灘、放煙花等吃喝玩樂玩個不亦樂乎，Jocelyn更以比堅尼上陣，和妹妹一起享受久違的日光浴！
鍾意冒險
愛冒險愛挑戰的Jocelyn，更率領家人一起玩跳崖：「雖然好似好得人驚，但係我好鍾意冒險，真係好刺激！哈哈，大家玩過之後一定會上癮。」她正計劃暑假陪老公探夫家外，更希望有機會兩家人一起往加拿大旅行。
大派利是
今次回「鄉」，Jocelyn笑言愛犬Tinkerbell十分有靈性：「我臨走嗰日，佢好似知道咁，成日都黐住我，連我去洗手間都跟住，我真係好唔捨得佢。」留港發展多年的Jocelyn今年會在港過農曆新年，她說：「以前都試過派一兩封利是，但今年我會入鄉隨俗，認真地派利是畀大家！」說到新年的願望，她希望每一個人都能得到愛、歡樂及和平。