林峯夠Chok唔怕踩再加油

林峯昨日出席大埔超級城《新地喜兔迎新歲》開幕禮，期間他唱歌之餘，還與現場歌迷玩遊戲，林峯童心未泯更扮兔仔，氹得台下歌迷尖叫聲不斷。

跟詹sir上過堂

雖然近期新聞纏身，但似乎無損林峯心情，對於詹瑞文於Talk騷中揶揄他憑Chok樣連奪兩屆「亞皆老街至太子道西最受歡迎男歌手」，還詢問台下觀眾服不服，結果惹來起哄，林峯對此不慍不火謂：「唔緊要，以前訓練班都曾經跟過詹sir上兩星期堂，佢係好老師。（尷尬？）冇所謂，任何時候都會有唔同聲音，自己會繼續努力。」

有意今年暑假在紅館舉行第三次個唱的他，透露屆時會加入多些快歌元素，他謂：「希望帶動多啲氣氛畀觀眾，所以跟住出嘅廣東同國語碟都會多咗快歌，同埋都開始要操fit身形。」

林峯作狀食道具糖蓮藕亦交足戲。

林峯與fans齊齊扮兔仔，引得滿堂發笑。

踩城城跳舞唔叻

此外，前晚詹瑞文繼續在Talk騷放笑彈，邀得台下睇騷的郭富城及張智霖上台娛賓 ，三人大跳台灣紅人謝金燕名曲《嗶嗶嗶》舞步，完成後詹瑞文忍不住親吻張智霖面珠，貪玩的他更欲向城城埋手，嚇得城城四圍躲避，詹瑞文即出口術謂：「叫你留心學啦，跳舞同做戲都唔叻。」引得台下笑聲連連，不過，陪同老公張智霖到場的袁詠儀就無好氣回應詹瑞文的提問。文：影視組

詹瑞文邀得台下睇騷的郭富城及張智霖跳《嗶嗶嗶》舞步，笑爆全場。

詹瑞文獻吻，嚇得城城左閃右避。