君如計劃收養囡囡揸弗
吳君如恭喜陳慧琳（Kelly）懷孖胎，但感同身受明白對方的壓力甚大，而陳可辛更主動向她提議「收養計劃」，藉「幼吾幼以及人之幼」去發揮大愛精神。
君如昨偕同古天樂、谷德昭出席新片《神奇俠侶》宣傳活動。由於連日來風塵僕僕往各地宣傳自己主演的賀歲片，君如連陪伴愛女陳是知的時間也沒有，為爭取享天倫，她昨日破例將母親及是知帶在身邊。面對記者的相機鏡頭，小是知自動波用手遮掩自己的臉，全程表現酷爆。
舉家遊澳洲
君如接受訪問時無奈表示：「昨晚半夜返嚟，今日又趕住執行李，做完活動趕去機場飛北京，想趁中間空檔同個女去買吓玩具，或者High Tea。我起碼要忙到年卅晚，跟住會有假期，一家人去澳洲旅行七日。」
對於Kelly透過人工受孕懷孖胎，君如雖恭喜對方，但不諱言明白箇中壓力之大不能向外界形容，加上本身年紀不小，她斷言不會效法：「我知道有人試過十幾次（指人工受孕）都唔成功。之前陳可辛向我提過想收養，大家亦開過幾次家庭會議，遲啲應該有決定，條件係對方要係中國血統。（想仔定女？）咁要問過我個女先，佢大個我亦唔會刻意隱瞞佢嘅身份……講係咁講，但相信手續都幾煩，唔一定成功。」
古仔欠飛債
至於古仔打趣近日遊飛機河，短時間內經歷了一年四季。由於工作繁忙不想病倒，所以隨行帶了不少藥物，幸好至今仍未用得着。他又指不少親朋索取自己主演的兩套賀歲片贈券，頓時滿身「飛債」。
文：影視組