吳國敬明上庭感激黎明
吳國敬上月涉以利刀恐嚇鄰居，被警方落案檢控一項刑事恐嚇罪名，案件將於明日假觀塘裁判法院提堂。昨日阿敬接受本報電話訪問，問到現時心情？他平和說：「唔擔心，順其自然，無論結果係點都會積極面對，繼續做好自己音樂，我都要生存。」
阿敬謂事件發生後多謝朋友和歌迷支持，特別感激張衞健和黎明：「黎明透過唱片公司同我講：『唔緊要，有好歌一定撐你。』我哋識咗好耐，但唔係好熟，多謝佢支持，依家我幫衞蘭寫歌。」阿敬計劃寫首歌叫年輕人做人處事唔好衝動，盡量忍耐。
此外，黎明前晚跟林憶蓮、范曉萱、費玉清等歌手在合肥做騷，剛去完法國的黎明雖然面帶倦容，但演繹金曲《今夜你會不會來》表演精彩，令歌迷拍爛手掌。