趙式芝滑雪着老竇舊嘢
趙式芝（Gigi）早前與友人到北海道Niseko滑雪，五日四夜的行程，全在雪山度過，大讚當地的雪靚而且地方大，是滑雪的最佳勝地。她謂由十一歲已開始滑雪，雖然每次都又瘀又腫，但依然覺得滑雪樂趣無窮，Gigi說：「今次最難忘的就係跌得好甘，第一日已一仆一碌，仲由山頂碌咗落半山，好彩嗰度地方大，唔係好多人，冇撞到人。」
Gigi又表示身上的紅色滑雪褲是爹哋三十年前的陳年褲，她說：「我讀大學時，唔捨得用錢買滑雪褲，見到佢嗰條又好鍾意，所以就問佢借，之後每次滑雪都會着住佢，條褲我諗都有三十年。」Gigi表示十分愛滑雪，農曆新年會再「安哥」。