劉晨芝搞時裝預埋樂基兒
有「亞洲版Beyonce」之稱兼身為謝婷婷及樂基兒（Gaile）好友的劉晨芝，昨日在apm接受訪問時透露今天會返美國，原來她要準備戰衣出席將舉行的格林美音樂獎。已是第五次出席的劉晨芝，說向來跟荷里活巨星包括碧咸嫂及金美倫戴雅絲御用的時裝設計師Julia Clancey合作，故今次也是由對方代為設計，會以性感為主。
怕(逗)利是
另外，劉晨芝早前和朋友合夥，把Julia Clancey的時裝、以及荷里活巨星必捧的品牌包括Urban Behavior、Coasta Blanca等引薦到港，由於雙方關係良好，故她暫時個人投資只花了六位數字，但笑言自己數口差及不懂講價。「我真係唔識得去同人講價，所以要拍檔幫手，有機會我都想同婷婷或Gaile合作。同埋以前買樓，人人都賺，得我係蝕！」問到會否趕返港(逗)好友樂基兒的利是，她說：「我依家好怕(逗)利是，(逗)親都畀朋友問幾時結婚，我有兩年半冇拍拖，都好想搵到個男友，但我成日飛，都唔知點拍拖！」