周秀娜馬爾代夫盡情晒

農曆新年將至，一眾藝人名人都會趁假期出埠旅遊輕鬆一下，Jessica C.和周秀娜兩位新一代性感女神，就不約而同鍾情盛傳快將陸沉的馬爾代夫，欣賞當地迷人景致，又能享受陽光海灘，實行曬太陽亦趁機大晒一副美好身材。

周秀娜最想去馬爾代夫，她說：「再唔去馬爾代夫就會消失，我想去嗰度relax吓，游吓水曬吓太陽，學埋潛水，我好鍾意陽光海灘同埋海底世界。我最難忘嘅地方係我上年去影寫真嘅蒙地卡羅，好浪漫。」

許瑋甯最想去的地方是非洲，因為她很喜歡大自然，最理想是能看日出及日落。而令她最難忘的地方是荷蘭，她曾到當地參加一位朋友的婚禮，一對新人在教堂行禮令她感到很溫馨，她還趁機吃了很多美食。

諸葛梓岐最想去和最難忘的地方都是夏威夷，她說：「好鍾意呢個地方，景色好靚，可以享受陽光海灘，又有得shopping，而且又有好多美食，喺嗰度度假真係好開心。」

崔建邦的緋聞女友Marina V.最想去美國的紐約和洛杉磯，因她有很多朋友都住那裏。而最令她難忘的地方是泰國，她說：「我同前男友喺泰國玩咗十日，去咗四個地方，我哋事前冇plan到行程，連酒店都冇book，求其上架巴士就周圍去，去到邊住到邊，好享受嗰度嘅陽光海灘。」

Jessica C.最想去馬爾代夫，她說：「因為就嚟會消失，我想喺佢消失之前去享受一下當地嗰份浪漫情懷。」而她最難忘的地方竟然是香港，她說：「My life change in Hong Kong。香港係一個夢想之都，我好鍾意香港嘅夜景，同埋急促嘅生活節奏。」

蔣怡最想去歐洲如法國和意大利等的鄉下地方，品嘗地道美食。而她最難忘就是非洲，她說：「我每兩年都會去非洲一次，之前同男朋友一齊參加咗個tour，喺嗰度紮營，清晨六點幾就要起身搬營，好似軍訓咁，又要自己煮嘢食，有時仲會冇水冇洗手間。」

林莉最想去的地方是北京，她今個農曆新年將與家人一起遊北京，她說：「我會帶爹哋媽咪去萬里長城，因為不到長城非好漢。」她選港姐時去過的馬爾代夫則令她最難忘，她說：「嗰度好靚，好想有機會住吓嗰度嘅water bungalow。」

余安安最想去的地方有三個，就是埃及、巴西和南非，她說：「埃及有好多名勝，想感受吓巴西嘅風土人情，同埋欣賞南非嘅大自然環境。而我最難忘嘅地方係希臘，愛琴海嘅白屋仔好靚。」