陳美詩借阿媽把口催婚
孫耀威女友陳美詩與男友舊愛楊秀惠昨日同場現身電影《我愛HK開心萬歲》的宣傳活動，雖然二人均聲言不尷尬，卻於台上零交流。
老孫公開示愛
早前孫耀威奪得「叱咤樂壇唱作人大獎」銀獎時公開向女友示愛，日前有傳他有意於兩年內結婚，看來感情穩定，舊愛楊秀惠對此表示：「人哋嘅事我唔回應。」而當事人美詩則甜絲絲的表示：「我收唔到風喎，如果收到再話畀大家知。呢啲係男仔計劃o架嘛，我就隨遇而安啦！」美詩笑言自廿三歲就被媽媽催婚：「佢好心急，成日話我唔係十八廿二，所以要快啲結婚喎。」
雖然二人並非首次同場，不過問到楊秀惠可介意與美詩合照時，她就有點抗拒的說：「大家一齊影熱鬧啲！（二人合照？）都可以。」而在二人有份合作的古裝劇《萬凰之王》中，美詩飾演楊秀惠的「妹仔」，問到她有否被刻薄？美詩即笑言：「都係跟劇本做，大家都專業所以唔使擔心。」
法拉滿意酬勞
同場的陳法拉被問到片酬是否滿意？法拉表示未知實際金額：「都係收電影酬勞啦！（收利是？）唔係，同普通拍戲一樣價。」她可有致電關心近日喪父的曾志偉？她就表示：「呢啲在心中啦！」
文：影視組