HotCha賣胸袋一億收山
昨日HotCha以攝影器材公司代言人身份，在旺角鬧市舉行Catwalk Show，吸引逾百人圍觀，場面墟冚。她們表示為今次演出，之前曾跟專業人士學行Catwalk，感覺有如參加模特兒大賽般。
HotCha又謂已擔任攝影器材公司代言人四年，除酬勞每年有增長外，最開心有32吋大電視機及相機送，目前她們最想接拍止汗劑、女性用品及隱形眼鏡等廣告，因這些產品全是生活所需。問她們可會接拍內衣廣告？成員Winkie說：「如果有一億元，可以架，之前都拍過泳衣寫真啦，泳衣同內衣咪差唔多，如果有一億（酬勞），拍完就可以收山，我哋可以谷胸上陣，況且依家年紀仲細，仲有得發育，不過大家有冇興趣睇先？」