江若琳JJ險錯過杭州捧獎
前晚「雪碧榜」頒獎禮於杭州舉行，楊千嬅、何韻詩、江若琳（Elanne）、林俊傑（JJ）、Hebe@S.H.E、海鳴威等現身攞獎，冇到的周杰倫跟有出席的楊千嬅是男/女歌手大贏家，兩人並獲「最受歡迎男/女歌手（香港）」，JJ和林依晨獲「傳媒推薦大獎（台灣）」，緋聞男女林宥嘉和G.E.M.亦各捧兩獎，但同場表現避忌。事後G.E.M.接受本報訪問，承認在機場和場館都有見到林宥嘉：「不過距離太遠冇打招呼，自己攞完獎就走，冇電話或sms聯絡，因為長途電話費好貴。」
剛推出處女國語碟的Elanne獲「最具潛質歌手」和金曲獎，Elanne和JJ幾乎受機場下雪關閉影響被迫缺席，JJ笑說：「之前自己試過喺機場滯留幾十個鐘，好彩今次同行緊運嘅江若琳一齊出發先無事！」Elanne亦禮尚往來說：「JJ好風趣，如果真係滯留機場，有佢一定唔會悶親我，哈哈。」她和海鳴威亦是表演嘉賓，兩人拖手合唱《你最珍貴》。
