薛芷倫行善加入乳癌基金
「抗癌戰士」薛芷倫（Fanny）昨晚穿上tube dress配短身皮褸現身北京，被問到是否復出Ball場？她說：「醫生話康復病人多啲出嚟，身心會舒暢啲，我今次會喺北京逗留三、四日。」至於外出有沒有甚麼要特別注意？她說：「總之唔好當自己係病人，我今次主要都係行吓街、食吓嘢。（會否飲酒？）適當紅酒飲少少都OK，不過我已戒酒一段時間，總之唔會刻意管束自己，如果唔係反而加添壓力。」
Fanny又表示想多做慈善工作：「已加入乳癌基金，做名譽大使，因為唔係每個人都好似我咁好彩，婦女有呢個病，心理好需要調節，我當時都自閉咗一段時間，好彩親人及醫護人員都畀我好多信心。」