張曼玉冷對分手傳言：我哋唔care

【陳嘉敏北京直擊】國際品牌Prada昨晚假北京中央美術學院美術館舉行2011春夏時裝匯演，超過七百位來自中港韓等地的嘉賓前來觀賞，包括張曼玉（Maggie）、張栢芝、湯唯、鞏俐、劉燁、《山楂樹之戀》男角竇驍、韓國影后河知雲等，設計師MIUCCIA PARDA更專程由意大利飛往北京，親自主持大局，並由國際知名的內地名模劉雯率領一眾模特兒演繹由米蘭空運到京城的春夏系列。騷後的派對更邀得著名英國組合Pet Shop Boys表演。

甜笑眉目傳情

全晚焦點莫過於近日盛傳情變的Maggie，一臉春風的她和拍拖超過三年的德國籍建築師男友Ole Scheeren，十指緊扣到場，並表現友善，停下腳步大方讓傳媒拍照。一直手牽手拍照的Maggie及Ole，期間不時眉目傳情及甜笑，尤其Maggie更多次甜絲絲的看着男友。

Maggie接受訪問時，否認是因為澄清近日的情變傳聞而手拖手到場，更言兩人常拖手，因碰巧大家都在北京，故一起前來看騷。Maggie一副氣定神閒說：「上網睇到寫咗我哋好多嘢，唔係為網上嘅嘢而嚟！啲人話我分手，我咪話係囉！當全世界話係分手，得我話唔係就無謂啦！兩個人知道實際情況係點就得！」

Maggie表示未有結婚計劃，笑言根本回應不來每日層出不窮的新聞：「我亦都唔需要回應，我哋唔care！」

張曼玉與Ole不時眉目傳情，甜到漏。

說到感情生活，張曼玉笑不攏嘴。

見過雙方父母

至於有傳兩人見過雙方家長，Maggie說：「冇特別見過，之前有見過雙方父母，其實我好多朋友嘅家長都有見過。（會結婚？）咪係囉！一時話分手一時話結婚，（感情狀況係點？）自己知道就得，唔需要同人解釋，我依家幾開心。（話你為情消瘦？）向來身形差不多，寫我分手就話我暴瘦，靚啲就話我結婚！」至於是否和周星馳合拍電影，她只是搖搖頭便離開。

韓國影后河知雲穿上tube dress到場，性感高貴。

Amanda S.與男友專程赴京睇騷。