孫耀威升呢唱作人

Eric不抗拒做偶像歌手，但他知道在很多人心目中，偶像兩字有點等同「冇實力」，但其實很多香港歌手有外形之餘亦有實力。Eric說：「當年入行興偶像包裝，令到啲人注意力都集中睇你外表。我當時求過唱片公司畀我寫歌，佢哋叫我排好啲舞就得，唔好搞到自己咁辛苦！」

盼圓夾Band夢

現在音樂才華被肯定，Eric成為大家心目中的「唱作人」，原來他心底更希望是組樂隊夾Band，Eric表示：「我一直物色緊成員，自己都有Band房，Keep住同大學班同學夾Band。（搵同學組隊咪得囉！）佢哋有自己嘅職業，一星期夾一次就得，要佢哋變全職邊可能，做Band仔餓死囉！」

Eric有信心夢想能成真，他視2011年為音樂的新開始，會用十年時間來達成夾Band夢想。問到何時實現「紅館之夢」？他指公司一直有計劃，早在07年回歸香港樂壇，公司便已申請紅館其中一個檔期，不過他覺得時間太急而婉拒。他希望再儲多些廣東歌，當出現到一首Hit爆作品時，才是踏上紅館的最佳時刻。

文：高美　攝：司徒國榮

髮型：Sunny Yu@hair culture

化妝：Andy Leung@maake360.com.hk

服裝：ink-clothing.com