鄧穎芝塞紙巾谷出C奶

Vangie三年前跟舊公司完約後積極學唱歌和跳舞增值，早前她成功跟一間經理人公司簽約，並自資數十萬製作全新大碟，預計今年五、六月推出。日前Vangie以全新形象為新歌《變臉》拍攝宣傳照，她以一件低胸內衣谷胸上陣，頓時令平平無奇的上圍激增至33C，露出三吋「事業線」。

自嘲小兒科

而Vangie更自爆製作「變幻球」的過程，她說：「當日影完相，我同化妝師、髮型師圍埋一齊睇相，但點睇都覺得爭啲嘢，最後個女化妝師叫我攝啲紙巾落個胸度谷大啲，點知出到嚟個效果好好！」

Vangie指今次是她出道以來最性感一次，問到是否性感再戰樂壇？Vangie說：「又唔算，我今次比起好多人都好小兒科咋，不過好開心啲相出到嚟性感又唔鹹濕！」

地獄式減肥

為了拍攝這輯照片，Vangie特別進行地獄式減肥，她說：「我用咗2、3個月時間減肥，一直都keep住打泰拳同跑步，等啲肉結實啲。」另外，Vangie透露有網友指其新歌MV涉抄襲Lady GaGa，但她否認：「個MV係形容人格分裂，有啲精神病院feel，係自己嘅構思。」

文：音樂組