吳君如見老公變失魂「如」
由谷德昭執導、陳可辛監製賀歲片《神奇俠侶》，找來吳君如和古天樂大放笑彈。谷德昭大爆陳可辛監場時，一向精靈的吳君如嚇得前所未見的慌失失兼好緊張。
谷德昭為賀歲片《神奇俠侶》擔任導演，陳可辛則擔當監製，並起用吳君如和古天樂兩位票房靈丹擔任主角。谷德昭坦言《神》片非吳君如不拍，角色完全為她度身訂造：「雖然電影監製係陳可辛，但唔關佢事。我一早決定咗用君如，男主角經過磋商後決定用古天樂做一對。」
問到陳可辛有否到現場探班，谷德昭說：「君如當時慌失失，好緊張咁。都未見過佢咁樣。」而谷德昭大讚古天樂做喜劇很有自己的風格，打破了過往小生靚仔的局限，電影中很有發揮。
加新料求突破
谷德昭為求突破而構思了這部電影，並推卻了多部電影和賀歲片的拍攝，他說：「之前拍過好多唔同類型電影，今次想突破自己，目的只是為個人電影事業，要建立我嘅career。」電影花了很長時間去投資，谷德昭坦言壓力不少，他說：「今次三部港產片賀歲，我壓力唔係嚟自佢哋，係自己用咗好長時間去投資呢部戲，加入咗好多特技和新嘢喺入面。希望香港觀眾和內地觀眾都接受，香港希望收到二千萬。」
文：影視組