蘇家興解說香港旺區
臨近農曆新年，人人都希望於新一年順風順水行大運，所以ontv節目主持俞詠文（Angela）即時為大家訪問堪輿學家蘇家興（Michael），看看香港18區中，邊區最有旺氣，還有甚麼行運秘技。Michael表示：「其實每區除咗有各自獨有嘅旺氣，喺唔同時辰去唔同嘅地方都會有唔同嘅旺氣，所以只要知道自己想行咩運，夾啱時間去指定地方都可以天人合一，行運行到腳趾尾！」
為了大眾的福利，Angela當然不客氣，問問Michael各區有甚麼獨有旺氣。Michael表示想行桃花運的可多到油尖旺及黃大仙，兩區分別都較旺桃花，而想買樓人士不妨到荃灣走一轉，想搵兼職的人到葵青行行，可能會有意外收穫。