譚凱琪內外失調冰火爆瘡

Zoie在有線擔任旅遊節目主持，每個月都有機會出發到世界各地拍攝，令她恍若變成「空中飛人」，Zoie說：「每個月都會飛兩、三個星期，每次都好新鮮，因為次次都唔知自己會去邊，我諗我去咗四分之一個地球嘞！差東歐、非洲同澳洲未去過，我最想去嘅地方應該係杜拜、埃及同希臘。（經常飛男友會唔會詐型？）做得我男友都唔會詐型啦！」

注重身體

經常飛Zoie坦言見識增多，但就很影響皮膚，令到原本擁有白滑美肌的她多了很多苦惱：「可能係生理時鐘錯晒，再加上各地天氣、水土都唔同，好有影響，有次去新加坡熱得滯焗到成面瘡，之前去意大利又因為凍得滯日日戴冷帽，又變咗成面瘡，嚟緊都要睇中醫調理番，年紀大咗要多多注重身體，身體好皮膚自然好。」

執靚個樣

平日Zoie已經好錫身，雖然她鍾意食嘢，但凡煎炸食物、生冷凍嘢都好少食。除了以中醫角度由內調理，每次她出trip回港都會找時間去美容院好好護理一番：「女仔一定緊張啲個樣，加上要上鏡，梗係唔可以懶啦！」

不停出埠換來皮膚受罪，Zoie要好好護理。

放大圖片

場地：Unique Beauty

髮型：HH David

文：影視組