詩雅學藝與寵物交心
英皇小花詩雅（Michelle）近日攻讀寵物美容及傳心術，為將來開寵物美容院做足準備，但她創業並非只為賺錢，最大宏願是想幫流浪貓狗變靚，讓牠們早日覓得新主人。
Michelle忙完電影宣傳後，最近利用空餘時間積極增值，除報名學西班牙語外，又學寵物傳心術及美容，她說：「因為我好想開寵物美容院，不過呢兩個課程都好貴，萬萬聲，我要儲錢先上到堂。」
有心靈感應
問她可覺得寵物傳心術難學？她直認有難度，因只憑一張相就靠自己心靈感應去意會寵物的思維，但她又說：「其實我覺得讀呢啲課程冇乜用，不過我喺呢方面有啲天分。」原來Michelle曾憑一張寵物照，就聯想到寵物身處的環境，她說：「有次朋友畀張貓相我睇，我腦裏突然閃出紅光，我同朋友講，佢話因為成日用條紅色羽毛同隻貓玩。」有謂她是天才，她謙說不敢當，她聽聞有動物傳心術高人，可以知道去世寵物的思維。
最好去領養
問她為何有興趣開寵物美容院？Michelle自言因太愛動物有關，她最大目標是收集流浪貓狗，再將牠們扮得靚靚，吸引其他人收養，她稱：「我知要做到呢個理想好難，所以目前我會勸啲朋友唔好買寵物，去領養最好。」
採訪：音樂組
場地：apm@Table 18