李彩華千萬豪宅孝敬父母
近年轉攻內地拍劇登台賺人仔的李彩華（Rain），希望於兔年繼續賺大錢，她表示會購買千萬豪宅供父母居住，認真孝順！此外，她又渴望於情人節前找到Mr.Right，恨拍拖恨到出面！
李彩華近年轉戰內地狂吸人仔，而她有份主演的內地劇集《回家的誘惑》和《杜拉拉升職記》亦熱播，令她在內地知名度急升。雖然Rain曾受「解約風波」及簽經理人事宜困擾，幸最後亦能解決，展望兔年，Rain表示：「去年係過渡期，經過解約同簽經理人嘅嘢，人事上好大轉變，嚟緊好多嘢自己一手搞掂，會係人生另一個轉捩點。（親力親為？）係嘅，最煩係要自己跟緊啲。（考慮簽人？）唔會住，搞掂自己先囉。」Rain直認去年吸金七位數字，已置業送給父母，她說：「層樓都幾百萬架，希望今年再買千萬豪宅，可以令父母再住得舒服啲。（會成事？）一定可以。」
搵伴過情人節
Rain又謂除了事業大旺外，兔年亦要催旺桃花，問到有否睇相？她說：「以前有，但依家信咗基督就冇睇，當然傳統節日我都照樣拜年，但唔會去問卜睇運程。」談到桃花運，Rain直言恨拍拖：「希望情人節之前，會搵到情人陪我，我嘅要求已經降低咗，當然最緊要係雙方有感覺，男朋友要有事業同一定嘅經濟能力。（圈內人？）半個圈內人都可以考慮，可惜依家仲未遇到。（媽咪催婚？）咁又冇。」
採訪、攝影：張國文
場地：At Corner
髮型：Johnny Chong＠Hair Corner