何超盈親證冇甩拖2年後嫁
賭王何鴻燊與四太梁安琪的長女何超盈，以前常與男友Greg出雙入對，近期她卻總是單獨現身，難怪多次被傳感情亮紅燈。昨日超盈解釋男友壓力大，坦言為保護兩人的戀情要保持低調，兩年後才考慮結婚。
本地時裝品牌MOISELLE旗下的mademoiselle昨晚於會展舉行2011春夏時裝展，出席嘉賓包括林欣彤、鄭融、林莉、文詠珊、楊汀叮、HotCha等等。何超盈單獨出席捧好友陳柏熹場，還記得超盈去年在品牌時裝騷上揚言會結婚，被追問婚期會否定於今年，她即說：「你哋再亂寫，我分分鐘會結唔成。（報道指男友花弗？）公司同家人都畀壓力佢，（要保護男友？）係，私人嘢要低調啲，我都驚咗記者，佢見報都唔開心。（今年結婚？）太快，可能兩年後畢咗業先考慮。（報道咁寫佢，你都好信男友？）咁樣對人唔公平，解釋即係唔低調。」超盈處處維護男友，不敢透露太多，依然表示過時過節男友均會拜訪賭王，十分有心。至於有指其家傭中六合彩的傳聞，超盈再次否認：「唔係我屋企！（Daddy屋企？）總之我問過佢哋，冇人中獎，我都想知邊個咁好彩！」
林欣彤老咗十年
另外，林欣彤成熟打扮到場，感覺老了十年，她亦認同說：「有時會，但唔抗拒，因工作上都要着成熟啲嘅衫，以前着高踭鞋都會一仆一碌，依家着住三吋鞋都OK。」她表示希望走的是玉女路線，tube dress已是她的底線，至於超短熱褲，亦要視乎是否健康，被問到會否同公司反映不要太性感，她說：「盡可能，依家咁凍唔想露肩。」
文：名人組