謝安琪聲帶腫脹收口兩個月
曾因為爆肺停工的謝安琪，早前為國語碟馬不停蹄在中港台等地宣傳，最後捱出病來，醫生指她的聲帶腫起因此出現聲沙沙的情況。前晚由大連完成專輯見面會回港的謝安琪，透露醫生建議她要「收口」兩個月：「不過好多工作同宣傳應承咗，經理人已經幫我減少咗好多訪問，爭取時間養聲。（之前爆肺依家聲沙？）好在唔係好嚴重，所以都唔會唔開心，只係要平日講少啲嘢，都係因為我睇小咗之前嘅重感冒，加上休息唔夠啦！（堅持唱現場？）一定！」
戒口似世界末日
經理人透露農曆新年期間已安排謝安琪休假，讓她好好休息兼享受家庭樂，不會影響新年的黃金搵銀機會：「都唔關事，我哋向來新年都會休息。」他透露謝安琪正乖乖戒口，並找來相熟的針灸師，雙管齊下：「我哋唔畀佢食甜嘢同辣嘢，對佢嚟講已經好似世界末日咁，但係佢都好乖冇偷食。」另外，謝安琪前日首次到大連宣傳，大讚當地環境優美，更獲主辦商設宴品嘗當地有名的海鮮，令她大快朵頤！
文：音樂組