告別碧兒笑談子珊陳豪封盤堅拒復合

自和廖碧兒分手後，作為不少女士心目中筍盤的陳豪，昨日表達鮮明態度不會和舊愛復合，不過當提到最近和徐子珊傳緋聞，陳豪難得展歡顏，哈哈大笑否認。

陳豪昨日出席高級歐洲家具Luxury Living的中環新店開幕活動，對於有指徐子珊深宵到其家中，陳豪立刻否認。問到徐子珊是否他那杯茶？陳豪哈哈大笑說：「我只係回應，冇啲咁嘅事。」

問到現在回復單身是否多了女性追求？陳豪說：「我依然都係咖啡開工收工。（筍盤？）多謝晒，我都係一條咖啡友。（齋啡？）就係正需要飲齋啡。」不過，當提到有傳「回收」舊愛廖碧兒，陳豪說：「冇啲咁嘅事，（復合或考慮復合？）唔會嘞。（同佢過咗去？）算啦！唔想加鹽加醋。」

是否見過鬼怕黑？陳豪即耍手說：「嘩！唔好咁講！我唔想喺呢件事再提啲咩嘢，希望今年所有嘢從頭開始。（喺公司撞過廖碧兒？）有撞過say hi，唔會尷尬，件事過咗，大家係朋友。（安慰佢？）唔好嘞，唔好評論。」

文：名人組

告別碧兒 笑談子珊 陳豪封盤堅拒復合