江若琳早前到北京為新推出之唱片宣傳，每日需要接受多間媒體訪問，由於工作實在太忙，曾試過一日由早上七時起床工作至傍晚，沒吃過一點東西，由於太肚餓，結果要在工作地點附近一間簡陋的麵館果腹，豈料即晚嘔吐大作，翌日更要到醫院求診，才得知患了腸胃炎。
她表示：「當時個肚真係痛到不得了，記得當日坐喺架車度，痛到曲晒身嘅時候，突然聽到電台播我首新歌，個DJ仲喺電台讚我，當時真係百感交集，身體好辛苦，但個心又好感動，最後仲喺車上面喊咗出嚟添！」
