張嘉兒突襲加國母驚喜
港姐張嘉兒早前請了十天假期返溫哥華探望家人，嘉兒事前沒透露給母親知，特意給她一大驚喜，問她為何不帶男友見家長時，她笑言要穩定一點先。
張嘉兒入行後甚少放長假，雖然家人住在溫哥華，但她坦言已兩年沒返加國，難得有十日長假，點都要「回鄉」探親：「呢十日算係我入行以來最長嘅假期，媽咪都唔知我返去，諗住畀佢一個驚喜，我入到屋，聽到媽咪話邊個想要生果，咪應佢囉！佢即時嚇咗一跳，雖然冇喊出嚟，但講嘢時把聲已經沙晒！」嘉兒這十天假期相當充實，她直言溫哥華令她有家的感覺：「我同兩個妹妹關係好close，我哋晚晚一齊瞓，一齊傾偈，好開心。（有否帶男友見家長？）冇呀！媽咪都未見過佢，等一切穩定啲先啦！」
送愛心 氹老人
今次的十天旅程，嘉兒有五日都去了滑雪，更報讀了一個教初學者的課程，只要再考多一日試，就可當滑雪老師。嘉兒說：「我由細到大都好鍾意滑雪，可惜我唔夠時間考試，只係差一日，真係唔抵，之後我可能都會去韓國考埋個試呢！」原來，嘉兒的母親每星期都會去做義工，嘉兒今次亦有跟母親去，還一共做了三日，與老人家玩遊戲大派愛心！
文：影視組