陳法蓉眼淺孤兒逗笑

早前陳法蓉到廣西大化為「雲彩關愛中心」主持剪綵，她帶備了衣服、毛毛鞋等物資到當地，在三日行程中，法蓉親到山區學校探望，又帶了三十名孤兒入住院舍，看過當地境況後不禁說：「嗰度啲人就算唔係孤兒，生活都好窮，因為營養不良，十一、二歲嘅小朋友好似得幾歲咁高大，每次帶物資出門總以為帶得太多，但去到探訪，就會覺得帶得太少！」

重過家庭生活

出力幫助慈善機構，法蓉總會認真了解，是以她亦好奇為何大化特別多孤兒，原來真相頗有黑色幽默：「因為山區好黑，啲大人好易跌死，有時執嘢唔小心碌落山，亦有男人醉酒失足死，啲女人因為後生，老公死咗就改嫁，所以有咁多孤兒。」法蓉所幫助的機構會以代父母方式養孤兒，一對代父母照顧五個小朋友，讓他們過正常家庭生活。

眼淺的陳法蓉每當見到小朋友的慘況總忍不住落淚，但接觸過小朋友，有時又會被他們逗笑了：「佢哋住嘅地方好簡陋，瞓覺成日都唔夠暖，搬到院舍後我問個小朋友暖唔暖，佢竟然話熱，好好笑！」

文：影視組