甄子丹扮偉仔同嘉玲玩黐手
甄子丹爆笑演出賀歲電影，一顯搞笑天分，並且以子丹版「一代宗師」情挑梁朝偉太太劉嘉玲，兩人雨中過招，大打出手，不時嗌過癮。
「宇宙最強」的甄子丹首次演出喜劇，與嘉玲、張栢芝、古天樂、熊黛林合拍《最強囍事》，棄武轉而搞笑並演化妝師的丹爺，大顯搞笑天分，當中他和嘉玲一場爆笑回到過去的戲份，嘉玲身穿旗袍化身才女張愛玲，雨夜情挑丹爺版「一代宗師」，穿起熟悉長衫的丹爺扮偉仔雨中耍功夫，逗得嘉玲哈哈大笑說：「真係好似，好搞笑！」
搞笑初哥學到嘢
戴上假髮、打扮雍容華貴的嘉玲被要求和丹爺對打，高跟鞋上陣的她，因現場地面盡濕，可謂一步一驚心，丹爺當然懂得惜花，他說：「呢套係笑片，最緊要出嚟效果搞笑，我哋梗係唔會真打，其實嘉玲好聰明，我教佢幾招佢好快學識，出嚟似模似樣，加上佢搞笑真係好叻，我就係初哥，今次學咗好多嘢，拍得好開心。」
戲中另一主角古仔和內地演員閻妮有不少對手戲，他更有偷(目及)閻妮胸部的戲份：「劇情需要啫，梗係望唔到啦！閰妮真係好演技，同佢演戲好有火花、畀好多驚喜我。」
文：影視組