Ana R.望搵男友驅寒
姚予晴、Ana R.昨日出席Swarovski春夏發布會任模特兒，穿上Deep V裙現身艷壓Ana R.的姚予晴表示，新年將回上海探家人，加上雙親年事已高身體常不適，因此希望多點時間陪他們。她表示一早已預備大利是給母親，亦相信母親對錢銀不計較。至於會否與男友Sunny一同回上海？她說：「唔會，佢都要做嘢，見唔到唔會影響感情！」
而Ana R.表示近日天氣寒冷，希望找一個人拍拖，再嘗被人擁抱的溫暖，不過她說：「想搵一個人攬但一定唔會搵以前嘅男朋友！」她坦言雖然十分享受單身生活，不過有機會找個人拍拖平衡一下亦是好事。農曆新年她將到馬來西亞及泰國參加經理人的家庭聚會，希望在當地都可以有利是逗。