周秀娜內衣上陣再戰Baby
「性感女神」周秀娜（Chrissie）再度攻日不惜晒胸冧o架仔，為日牌內衣拍攝全新噴血廣告，還落實出席3月5日於東京舉行的大型時裝騷Tokyo Girls Collection（TGC）造勢，與「宿敵」Angelababy再次正面交鋒！
去年因忙於拍電影的Chrissie忽略了日本市場，為挽回當地「性感女王」人氣，最近她為日本內衣品牌Embuche拍攝全新一輯廣告。雖然在Catalog中Chrissie只演繹得四張相，但都谷盡其32D逼爆上圍冧o架仔，而且她更落實擔任於3月5日在東京舉行的TGC做Model行騷，力求再在日本出擊造勢。另一方面，據知Chrissie「宿敵」Angelababy的日本公司極力要求Baby出席，屆時兩女又可再次正面交鋒。
今年主力拍片
昨日Chrissie出席活動時亦表示3月會在日本拍攝，但為免得失中港客戶，被問到重視日本市場同性感益o架仔時，她就醒目回答：「今年都會主力喺香港同內地拍電影。（去年大豐收？）的確幾好，上年為拍戲轉變好大，但成績唔錯好開心，希望今年再賺多啲。（上年賺幾多？）冇計過，不過樓市仲貴，遲啲先置業，不過會買嘢獎勵自己同家人。」
原來Chrissie打算買鑽石獎勵自己，而男友則送手錶，她又表示唔介意自己賺錢多過男友，更笑言：「佢收入都穩定，雖然我好大食，但佢會養埋我。」而Baby香港經理人Kim亦透露：「日本嗰邊係好想Baby去TGC，但我哋仲度緊個期。」
文：專案組