梁詠琪開騷預告男友撐場
梁詠琪（GiGi）闊別紅館8年下月再開騷，昨日她為二月廿六及廿七日「梁詠琪巡迴演唱會－香港G夜」舉行記者會，歌迷送上自製「G鎖匙」，寓意她返回香港這個家開個唱，而她稱已知韓國、星馬台等歌迷會組團來港捧場。
雖然她將北京的演唱會移師返港，但主要唱廣東歌為主。造型性感？她笑言：「唔會唔擺對腳出嚟，係我主打嘛，總之性感得嚟靚就冇問題。」講到駐港美國領事館男友Matthew時，GiGi即強調：「係交往中朋友呀！（佢喺北京傳媒面前承認係你男友？）佢回答政治上問題就好叻，私人話題我要同佢講下先。」
講到被指爬伊健頭紅館開騷？GiGi謂檔期是主辦單位定。她稱祝對方Good Show，亦指不記得當年與對方在紅館做騷的情景。而今次她亦禁止男友踏足舞台：「佢乖乖地坐喺度睇，支持我就滿足啦！」