陳法拉爆阿佘搵好多
陳法拉自新加坡宣傳完電影返港後，昨日馬不停蹄出席時尚騷彩妝並擔任模特兒，她承認今年大豐收：「除咗搵錢之外，仲有工作努力得到大家認同，呢樣比錢更有成功感，（係咪無綫吸金王？）唔會，仲有佘詩曼呢，佢拍劇搵好多錢o架，我知佢搵好多。」
法拉透露農曆新年將到美國登台並順道探望父母，雖然離港過節，但不忘派利是給工作人員，問到她派利是派單封還是雙封，法拉說：「有分別o架？（結婚派雙封囉！）我派大封，（幾時派雙封？）搵多啲錢先啦，（諸葛梓岐話佢會攞未來奶奶大利是？）佢講嘅嘢，我諗我唔使回應。」