諸葛梓岐遇險標淚亂噏

Marie與吳嘉龍昨日為手袋品牌Coach 2011春季男女士系列作示範，見Marie雙眼通紅，她解釋之前由中環駛往荃灣的高速公路上被嚇到喊，她續說：「我頭先揸車途中，突然『咔』一聲，有個黑色嘅物體飛落我嘅車頭玻璃度，前面好大煙，睇唔到發生乜事，我即時開車衝過去，原來前面有架巴士爆胎，個車胎皮彈咗落我架車嘅玻璃！」Marie坦言當時嚇得尖叫及標眼水，頭腦一片空白：「原來驚嘅時候係乜都諗唔到，淨係得嚇親同嚇親！我同助手都話好彩。」說時Marie仍猶有餘悸。

撞屁股腰部受傷

由於Marie當時要趕往工作，所以還未有時間告訴男友。問到Marie之前有否類似經歷？她自言向來注重行車安全，今次可算最驚險：「我以前喺加拿大揸車，只係試過畀後面架車撞到，架車冇事，係條腰有少少痛。（有冇買保險？）有，媽咪幫我買咗好多份。（過千萬﹖）幾多錢都好，都唔想自己有事，最緊要開心安全同健康。」

舞林高手Marie排練扇子舞。

Marie提到車胎皮撼座駕時仍猶有餘悸。

揀舞衣跳扇子舞

另外，日前Marie與崔建邦緋聞模特兒女友Marina V.為「又一城．千兔繪卷迎新春」的開幕典禮作綵排，跟導師學習跳扇子舞及絲帶舞，其後她們又到了Patrizia Pepe挑選舞衣。原來二人均是舞林高手，Marie自小琴棋書畫樣樣皆能，過往在公開比賽中更獲得獎項，但因身高問題未能找到合適拍檔而放棄習舞。

文：名人組