羅仲謙：好耐冇去佢屋企
羅仲謙與傅穎的緋聞真假難分，日前男方被拍得到女家過夜，兩人因而被指「假分手」，謙仔昨日出席電視劇《飛虎》（暫名）活動時，他否認有「過夜」一事：「冇啲咁嘅事，我好耐冇去過佢屋企，等我返去睇吓報道先。（你哋係咪假分手？）唔講呢啲嘢！講工作。（鐵漢都可以柔情？）套劇入面就會。（傅穎冇份？）佢未有份，下次有機會合作咪有份囉！」
緋聞愈傳愈負面，謙仔亦「黑」開有條路，他昨日在《飛》劇的活動中初玩war game，毫無實戰經驗的他坦言槍戰時被人狙擊八月十五，謙仔說：「頭先我個pat pat係咁畀人射咗三、四十槍，我覺得係黃智雯。（咁有冇事？）我唔敢睇呀，驚一除褲會有隻八筒喺度，如果個pat pat一個個圓形咪死。」
此外，馬德鐘日前因病菌入心引致心肌發炎入院四天，昨日沒有到場，據知他已無大礙，前日已出院回家休息，記者昨日致電給馬德鐘，他說還未完全康復，但因要準備開劇，主動要求出院：「我有同監製講，頭一、兩個星期唔可以做太多動作嘅戲份。」