傅穎自比小紅帽畀狼嗒

去年12月Theresa出碟，期間先自爆寓所玻璃被人惡意破壞，再於去年12月14日的《飄雪樂韻聖誕精品》開幕禮中，大爆緋聞男友謙仔說話「冇句真」，並在傳媒面前做大龍鳳，堅拒與謙仔合照，擺明車馬唔妥對方。隨後Theresa多次在其他活動和訪問中亦對謙仔「咬住唔放」，指有人一腳踏兩船，又直認感情受騙兼成為事件受害者，可惜連串新聞卻被指「作新聞」和「博宣傳」。

身心受創

事件擾攘了35日，昨日Theresa出席賀年活動時再度出擊重提舊事，並拿出證據力證沒有作料。問她是否傷得最深的一次？Theresa竟以格林童話的《小紅帽》故事來比喻與謙仔之間的感情關係：「總之今次係《小紅帽》故事，我唔會再犯。」因小紅帽女孩最終被大灰狼吃掉，不禁令人聯想到她已「身」、「心」俱受傷害。

記者致電Theresa問她是否清楚《小紅帽》故事所指？她說：「我只係想講出我個人感覺和睇法。（你是小紅帽女孩，邊個係大灰狼？）唔想再講。（你被食咗？）我未死喎，仲好好哋活着。（同佢拍過拖？）心水清嘅人自己諗，總之係過去式。（佢哀求你？）唔答。」講出心底話後，她承認鬆了一口氣、舒服晒。

認情已逝

而在活動上Theresa指自己「是非命」，為近日被指炒作新聞和作料而不快：「羅生件事人哋話我冇句真，如果唔信可以問番男主角，佢冇做過就叫佢否認。女仔冇人想發生，感情受過傷害仲要畀人話炒作，感覺會係點吖？！人哋覺得我屈佢一腳踏兩船，我一路講真話，大家就覺得我做新聞，我係個普通嘅女仔，仲要行出嚟！（對質？）唔需要，咁唔信我，大家問番男主角。」

問Theresa謙仔是否騙過她？她說不想講，但又默認與對方拍過拖：「大家都估到，唔需要我親口講。（感情過咗去？）係！」有指他倆轉移地下情，謙仔仍有到訪她家過夜，Theresa說：「我唔為雜誌去解釋，唔再講，總之好耐冇見。」更強調今次是最後一次回應。

文：影視組