吳綺莉：個女冇樣似成龍
吳綺莉（Elaine）早前與女兒吳卓林回港，令她與成龍之間的是是非非再成焦點，她接受有線訪問時坦承當年太任性，不欲女兒重蹈自己覆轍，更覺她全不似成龍！
吳綺莉接受有線娛樂台《主播會客室》節目的訪問，她強調沒有後悔當年做單親媽媽也要生下卓林：「呢個係我同個女嘅緣分，咁講好似好虛無縹緲，但的確好難講得清楚。雖然我咁做係任性咗，但做人要有承擔，我唔主張其他人咁做，因為我唔認為咁做係好事，我依家只想做一個正常媽媽要做嘅事，唔係回想十幾年前嘅舊事。」
幫女兒洗腦
Elaine說已教女兒不要重行自己的舊路，她說：「卓林細細個，我已經教佢將來要搵個正正常常嘅男朋友拍拖結婚，我覺得佢行番我條路嘅機會好微，因為我已經幫佢洗咗腦。（人哋話你個女似成龍，有乜感覺？）冇感覺，聽得太多。（覺得卓林五官邊部分似成龍？）冇樣似，我個女似我！大家睇清楚啲啦！（你點睇成龍為房祖名大搞生日？）都唔關我事，事不關己，點解要唔開心，李連杰或者甄子丹生日，點會刺痛我？」
文：影視組