阿Sa兔女郎賀歲惡鬥澤藍
蔡卓妍（Sa）、王祖藍和杜汶澤首度合唱賀歲歌，日前便出動三部總值過千萬的林寶堅尼拍MV，氣派十足，阿Sa以嬌俏「兔女郎」大鬥祖藍和阿澤的惡搞生果小販造型。
今年英皇由阿Sa、祖藍和阿澤攜手獻聲推出賀年專輯《叻叻兔福星》，為大家新春期間添歡笑。祖藍除參與演唱，更一嘗填詞滋味，極速半日內填起整份歌詞，被封為新一代填詞快槍手。日前三人更為賀年歌拍ＭＶ，找來師弟陳家樂、洪杰及鄭家維客串，氣氛喜氣洋洋。
扮懷舊小販
ＭＶ內阿Sa、祖藍和阿澤分別以七十年代及現代look示人，最抵死是祖藍和阿澤穿上羊毛底衫扮生果檔檔主，千方百計去吸引阿Sa幫襯。拍攝期間祖藍和阿澤不時爆肚整蠱一眾小師弟，兩人笑言：「唔係整蠱，係畀多點突發臨場考驗佢哋。」
為了令ＭＶ更有氣勢，唱片公司出動三部林寶堅尼，總值超過千萬元，難怪三人雀躍非常，紛紛上前逐部觀賞。問到阿Sa可想買一架？Sa謂：「跑車嘅線條真係好靚，但平時工作咁攰，收工後都想嗱嗱聲返屋企休息，仲邊夠精神揸車，都係做乘客安全啲。」
文：音樂組