陳奕迅玩同性浪漫

在今屆樂壇頒獎禮大豐收的陳奕迅(Eason),乘勢追擊推出新EP《Stranger under my skin》,封套相乃Eason深宵拉大隊到大嶼山沙灘落海拍攝,他笑說:「成班麻甩佬喺海灘喁喁細語,真係好鬼浪漫。」今次封套概念乃Eason製作上一張碟時提議,他說:「我話不如上山下海一次過拍兩張EP封面,一來刺激,二來慳時間。」他期望下張碟可以上太空拍攝。

今次EP會分兩張碟,其中一張收錄三首國語歌,包括他與王菲的合唱歌《因為愛情》,他說:「我一直欣賞阿菲,好想同佢合作,根據以往經驗將願望講咗出來就唔靈,所以我將呢個願望藏喺心底,終於實現。」