超盈戥家傭唔開心：買餸都煩

日前有指四太梁安琪的家傭中了六合彩頭獎三千萬，但捨不得一手湊大的何超盈，故成為千萬富翁後依然留低做家傭。當事人之一的超盈昨日接受電話訪問時，強烈否認此事，並直斥乃無中生有，她肯定地說：「我屋企冇工人中六合彩，如果你中咗六合彩會唔會唔辭職吖？如果真係中咗，我冇理由唔知，我哋感情好好，仲係一齊住，冇可能瞞到，佢哋就算賭馬中咗少少都同我講。（你哋感情有幾好？）好到中咗六合彩，我無可能唔知嘅地步。」

有乃父風送朋友

超盈坦言由兩名家傭湊大，早在她出世前，兩名家傭已在何家打工，大家感情要好，待家傭如親人的超盈出言為對方抱不平：「報道出咗佢哋真係唔開心，佢哋係做嘢，唔係鍾意出風頭嘅人，依家搞到佢哋去街巿買餸都好煩，可能仲會畀家人誤會點解中咗獎都唔分畀佢，工人唔開心，我都唔開心。」至於梁安琪對有關消息同樣直接否認：「我都話咗唔係，冇聽過有咁嘅事。」

另外，超盈甚有乃父風範，除了對家傭愛護有加外，對朋友同樣照顧周到。前晚，她與四名友人在中環太子大廈內的SEVVA晚膳，直至約凌晨時才盡興離開，超盈還招呼朋友登上其座駕，由司機送各人返家。

此外，同場還見到名媛榮文蔚在一名型男陪伴下離開。

何鴻燊（資料圖片）	超盈與朋友晚膳後，叫司機逐一送回家。	榮文蔚有型男相伴。

家華讚爺爺豪爽

而據一名曾在賭王家服務的前員工透露，在賭王家的工作量少但薪金卻比外面高達一倍。賭王對傭人有情有義，當大房太太過身後，他更主動開口挽留大太太的管家。

賭王孫女何家華接受電話訪問時，大讚賭王對家傭好，她舉例說﹕「爺爺同姑姐經常會出錢幫工人醫病、供佢哋嘅仔女讀書，大時大節都會同工人一齊食飯，爺爺成日話要對工人好，要當佢哋係家人，而唔係奴隸咁用。其中有位唐叔，佢由細睇到我哋大，爺爺不時問起佢，以前去旅行爺爺會帶埋佢出門。」

文：追蹤組、名人組