JW興奮遇利孝和夫人
衞蘭以Anteprima的黑白造型與師妹JW憑《男人信什麼》奪得「金曲金獎」，兩人表現相當興奮，JW坦言在台上好緊張：「忘記咗多謝好多人，不過真係好開心，估唔到會見到利孝和夫人，感覺好唔真實！」衞蘭接着說：「要多謝主令我遇到首好歌，亦令我有緣分同JW一齊唱。」
對於有傳她們獲大獎，全因老闆黎明畀面擔任勁歌嘉賓，身旁的Amusic高層王凱文即搶答：「唔關事，係無綫主動邀請黎明，獲獎唔關佢事，總之四個字『實至名歸』！」JW亦表示自己不懂得樂壇政治，只會努力做好本分。追問對於久未出席頒獎禮的黎明，甫出席即令兩人齊齊有獎，JW笑謂：「咁咪好囉，一家人一齊享受今晚（前晚）！（叱咤捧蛋？）因為冇期望所以冇唔開心，而且出唔出席頒獎禮都係跟公司安排。」