Ella伯明翰編織荳芽夢
官恩娜（Ella）曾留學英國伯明翰HIGHCLARE SCHOOL 五年，主攻美術及音樂高中畢業。Ella坦言入讀時受種族歧視，曾遭女同學吐口水，她說：「嗰時我好文靜，唔似依家咁開朗成日講嘢，入學冇耐有女同學突然吐我口水，當時都唔知發生乜事，最後先知係種族歧視。（有冇唔開心？）少少梗有，都有同身邊朋友訴苦，不過之後大家都做到朋友。」
Ella大讚學校夠大、師生關係融洽，她說：「設備好完善，地方又夠大，啲老師好細心去教學生，有時會用自己私人時間返學校幫我哋補課。」Ella大方承認初戀發生在英國，她說：「當時我住喺監護人屋企，之後就同咗佢個仔拍拖。（外籍人士？）唔係，中國人嚟，之後大家去咗唔同地方讀大學，所以冇再Keep喇。」
獲中學同學鼓勵
Ella表示現時仍有與中學同學聯絡，她說：「都係靠上網傾吓偈，因為大部分同學都係外國人，見面機會就比較少，不過能夠Keep到十幾年友誼真係唔容易。（佢哋知唔知你做咗藝人？）知道，佢哋好好o架，成日留言鼓勵我。」
升中一條龍學費六十萬
官恩娜入讀的學校HIGHCLARE SCHOOL位於英國伯明翰，該校設有幼稚園、小學及中學一條龍服務，以中學現時收費來算，每年學費約六十萬港元，加埋生活費及住宿費，保守估計一年要花逾百萬。