Twins閃艷冠全場

本地著名設計師Arthur Lam（林樹彬）為本報點評一眾男、女歌星衣着，講到全場之最，非蔡卓妍（阿Sa）與鍾欣桐（阿嬌）莫屬，這對Twins認真戰無不勝，如今又在衣着備受激讚，Arthur說：「阿Sa件衫好閃，好靚，整體形象好襯佢，無失手！而阿嬌一身紅色打扮亦好靚好搶眼，朵花頭飾配襯得好美艷，但如果朵花係紫色會更好，大紅大紫更加高貴！」

關淑怡穩中求勝

而Arthur表示關淑怡一身打扮很穩陣，carry得不錯：「條裙厚膊之餘，側邊拉鏈拉得好高，加上佢本身都瘦，carry都OK。」續說：「楊千嬅都好有貴氣，如果內裏配襯貼身魚尾長裙更加elegant。至於關心妍條裙入膊設計好靚，騷到佢骨子裏嘅性感。」

至於黎明愛將之一的JW以masculine恤衫、bow tie再加sequined blazer jacket好型，Arthur Lam說：「如果改襯see-through leggings，效果更佳，顯得雙腿性感又修長！」

型格少女 JW打扮別具型格，甚有大將之風。	美腿生輝 關心妍穿入膊短裙無意間騷出其修長美腿，散發不經意的性感。	貴氣潮太 楊千嬅以黑色貼身設計示人，優雅型格兼備。
凸顯修長 關淑怡一襲連身長裙，盡顯其纖瘦身形。

林樹彬

本地著名時裝設計師林樹彬（Arthur），畢業於加拿大多倫多時裝設計系，有「名媛時裝魔術師」之稱，最擅長婚紗及晚裝，深得名媛淑女愛戴。

文：名人組