四大冇到 黎明EXILE撐場
昨晚冇四大歌手撐場，無綫趁勁歌卅周年碌人情卡請黎明、日本組合EXILE、周慧敏、關淑怡等壓陣，周慧敏和古巨基負責頒新人獎，現場播出當年基仔攞「最受歡迎男歌星」時，喊住多謝緋聞助手Lorraine片段，Vivian取笑：「唔係鍾意唱歌就得，連助手都唔可以變，Lorraine本來幫我，唔係我讓畀你，你邊有咁多湯水飲。」基仔尷尬說：「你咁生鬼嘅。」
而日本組合EXILE擔任開場嘉賓，打頭炮又唱又跳《I Wish For You》；關淑怡穿長裙唱《繾綣星光下》和《難得有情人》；無綫補頒90年《心仍是冷》獎項給倫永亮和已故巨星梅艷芳，兩人隔空演繹經典金曲；天王黎明壓軸登場獻唱，掀起高潮。
