諸葛騷10卡戒指：用嚟襯衫

諸葛與日模渡邊知夏子、小水彩、松岡李那及馬瑙一同出席Tokyoeye時裝活動。盛傳諸葛剛在美國與薛嘉麟註冊結婚，她卻說：「去旅行好開心，發咗新年財。我哋去咗拉斯維加斯，玩老虎機中咗。（幾多錢？）一個free trip。」

拒回應法拉想生B

問及有關薛嘉麟所送的五卡戒指時，諸葛展示手上的戒指打趣說：「呢隻有十卡。（係咪註咗冊？）未，有消息會通知大家。（訂婚戒指？）我有好多戒指，用嚟襯唔同嘅衫。（佢畀驚喜你？）事先唔知佢會送。（愈送愈大粒！）卡數唔關事，係心意，我哋相處好開心。」有傳未來妯娌陳法拉有意生BB，諸葛即說不便回應，問她何時生B？諸葛說：「我快啲做嘢就真，有好多工作。（男友投訴？）冇辦法，佢都好忙。」

諸葛新年與男友薛嘉麟遊美，傳出秘密註冊結婚。（資料圖片）

諸葛（右）與渡邊知夏子一起行騷。

屋企人齊先至結婚

諸葛今次到美國旅遊三個星期，公司亦有微言：「因為好多朋友喺嗰邊，所以去玩。（唔順便結婚？）呢啲嘢要屋企成班人一齊。結婚一定會講，希望大家恭喜我啦。快架喇，做完手頭上嘅嘢先啦！（到幾時？）11月。（即係12月結？）可以諗吓嘅。」

專誠自日本來港四天的渡邊知夏子此行更拍了廣告，令她想在港掃名牌服飾的心願無法實現：「我好鍾意香港嘅按摩店，每天都要去按摩。食物方面，我鍾意食龜苓膏、廿四味、燉奶同杧果布甸，呢啲食物對皮膚好有益。」